"കേരളത്തിലെ സുറിയാനി ക്രിസ്ത്യാനികളും അവരുടെ ചരിത്രവും."

കേരളത്തിലെ സുറിയാനി ക്രിസ്ത്യാനികളും അവരുടെ ചരിത്രവും. കർത്താവായ യേശുക്രിസ്തുവിന്റെ ശിഷ്യന്മാർ മുഖാന്തരം ക്രിസ്ത്യാനികളായ യഹൂദന്മാരെ കുറിച്ചു വ്യക്തമായി ബൈബിളിൽ രേഖപെടുത്തിയിരിക്കുന്നു. പൗലോസ് അപ്പോസ്ഥലൻ ദമസ്‌കൊസിൽ വച്ചു യഹൂദ ക്രിസ്താന്യകളെ ആക്രമിക്കുവാൻ വരുന്നത് എല്ലാം ബൈബിളിൽ രേഖപെടുത്തിയിരിക്കുന്നു. ദമസ്‌കൊസ് സിറിയയുടെ തലസ്ഥാനം ആണ്. സിറിയയിലെ യഹൂദ ക്രിസ്ത്യാനികൾ യഹൂദന്മാരുടെ പീഡനം മൂലം പല സ്ഥലങ്ങളിലേക്ക് ചിതറപ്പെട്ടു. യേശുക്രിസ്തുവിനു മുമ്പും ഇന്ത്യയിലേക്ക് യഹൂദൻമാർ കച്ചവടത്തിനായി വന്നിരുന്നതായി നമുക്ക് മനസിലാക്കാം. ശലോമോന്റെ കാലത്തും ഇന്ത്യയുമായി ശക്തമായ ബന്ധം യഹൂദന്മാർ പുലർത്തിയിരുന്നു.എസ്തറിന്റെ കാലത്തും ഇന്ത്യയെ കുറിച്ചു ബൈബിളിൽ പ്രതിപാദിക്കുന്നുണ്ട്. ഇന്ത്യയിൽ യഹൂദ കുടിയേറ്റം ക്രിസ്തുവിന് മുൻപ് ഉണ്ടായിരുന്നതായി മനസിലാക്കാം. സിറിയയിൽ വച്ചു പീഡ ഏറ്റ ക്രിസ്ത്യാനികൾ മറ്റു യഹൂദന്മാർ പാർക്കുന്ന ഇടങ്ങളിലേക്ക് സുവിശേഷികരണം നിമിത്തം കുടിയേറി പാർത്തു. ഇന്ത്യയിൽ കുടിയേറി പാർത്ത യഹൂദ ക്രിസ്ത്യാനികൾ തങ്ങളുടെ പാരമ്പര്യം കാത്തു സൂക്ഷിച്ചു കൂട്ടം കൂട്ടമായി കേരളത്തിൽ കുടിയേറി പാർത്തു. കുടിയേറി പാർത്ത യഹൂദ ക്രിസ്ത്യാനികളെ കേരളത്തിൽ ഉള്ള യഹൂദൻമാർ വേണ്ട വിധത്തിൽ പരിഗണിക്കാത്തത് കൊണ്ടാണ് യഹൂദ ക്രിസ്ത്യാനികൾ കേരളത്തിൽ പലയിടങ്ങളിൽ ആയി ചിതറപെട്ടുപോയത്. യഹൂദ ക്രിസ്ത്യാനികൾ കേരളത്തിൽ സുറിയാനി ക്രിസ്ത്യാനികൾ ആയി ജീവിച്ചു. സുറിയാനി ക്രിസ്ത്യാനികളിൽ നവീകരണം വന്നപ്പോൾ മാർത്തോമാ സഭ ആയി ഒരു വിഭാഗം യഹൂദ ക്രിസ്ത്യാനികൾ മാറി. പിന്നെയും മറ്റേ വിഭാഗം സുറിയാനി ക്രിസ്ത്യാനികൾ തങ്ങളുടെ ജന്മപ്രദേശമായ സിറിയ കേന്ദ്രമാക്കി പ്രവർത്തിച്ചു തുടങ്ങി. പിന്നീട് കേരളത്തിൽ ഉണ്ടായിരുന്ന യഹൂദ ക്രിസ്ത്യാനികൾ ഓർത്തഡോൿസ്‌, യാക്കോബായ ക്രിസ്ത്യാനികൾ ആയി നിലകൊണ്ടു. മാർത്തോമാ സഭയിൽ നവീകരണം വന്നപ്പോൾ ഇതിലെ ഒരു വിഭാഗം യഹൂദ ക്രിസ്ത്യാനികൾ ഇവഞ്ചലിക്കൽ സഭ ആയി മാറി. മറ്റു യഹൂദ ക്രിസ്ത്യാനികൾ സുറിയനികളല്ലാത്തവരുമായി വിവാഹബന്ധത്തിൽ ഏർപ്പെടുകയും. ക്രമേണ യഹൂദ പൈതൃകം നഷ്ടപ്പെടുകയും ചെയ്തു. യഹൂദന്മാർ യഹൂദ ക്രിസ്ത്യാനികളെ യഹൂദരായി പരിഗണിക്കാത്തത് മൂലം യഹൂദ ക്രിസ്ത്യാനികൾ സുറിയാനി ക്രിസ്ത്യാനികൾ ആയി നിലകൊണ്ടു. ✍️ഡെൽസൺ കെ ഡാനിയേൽ

"വീഴുന്നവരെയൊക്കെയും യഹോവ താങ്ങുന്നു."

"വീഴുന്നവരെയൊക്കെയും യഹോവ താങ്ങുന്നു." സങ്കീർത്തനങ്ങൾ 145:14. പ്രിയ ദൈവപൈതലേ, പല സന്ദർഭങ്ങളിലും നാം ദൈവ സന്നിധിയിൽ നിന്ന് വീണുപോകേണ്ടതായിരുന്നു.അവിടയെല്ലാം നമ്മളെ താങ്ങിയത് ദൈവത്തിന്റെ അദൃശ്യകരം അയിരുന്നു. യോനാ ദൈവ സന്നിധിയിൽ വീണു പോകേണ്ടത് അയിരുന്നു ദൈവം അവിടെ യോനായെ താങ്ങി. പത്രോസ് ദൈവസന്നിധിയിൽ വീണുപോകേണ്ടത് അയിരുന്നു ദൈവം പത്രോസിനെ താങ്ങി. പ്രിയ ദൈവപൈതലേ നമ്മൾ എത്ര പ്രാവശ്യം ദൈവസന്നിധിയിൽ നിന്ന് വീണു പോകേണ്ടത് അയിരുന്നു. അവിടെയെല്ലാം ദൈവത്തിന്റെ കരം ആണ് നമ്മെ താങ്ങിയത്.

"നിരാശകളെ പ്രത്യാശയാക്കി മാറ്റുന്ന ദൈവം."

"നിരാശകളെ പ്രത്യാശയാക്കി മാറ്റുന്ന ദൈവം." സങ്കീർത്തനങ്ങൾ 27:14. പ്രിയ ദൈവപൈതലേ, നിരാശപ്പെട്ടിരിക്കുവാണോ, തളർന്നുപോകരുത്. ഏലിയാവിനെ ബലപെടുത്തിയ ദൈവദൂതൻ നിന്നെയും ബലപെടുത്തും. നിന്റെ ഇന്നത്തെ നിരാശകൾ നാളത്തെ പ്രത്യാശകളാക്കി ദൈവം മാറ്റും. നിരാശ കൊണ്ടുവരുന്നത് ദൈവമല്ല. പ്രതികൂലത്തിന്റെ നടുവിലും പ്രത്യാശ തരുന്ന ദൈവത്തെ ആണ് നാം വിശ്വസിക്കുന്നത്. ആകയാൽ നിരാശപ്പെടാതെ പ്രത്യാശയോടെ ആയിരിപ്പാൻ ഉത്സാഹിക്കുക. ദാവീദ് നിരവധി തവണ നിരാശപെട്ടു പോയിട്ടുണ്ട്. അപ്പോഴെല്ലാം തന്നെ തിരഞ്ഞെടുത്ത ദൈവത്തിൽ ഉള്ള ആശ്രയം ആണ് തന്നെ വഴി നടത്തിയത്.ദാവീദ് സേവിച്ച ദൈവത്തെ ആണ് ഞാനും നീയും സേവിക്കുന്നത്. ആകയാൽ ദൈവത്തിങ്കൽ പ്രത്യാശ വയ്ക്കുക;ധൈര്യപ്പെട്ടിരിക്കുക ;നിന്റെ ഹൃദയം ഉറച്ചിരിക്കട്ടെ ;അതെ, യെഹോവയിങ്കൽ പ്രത്യാശവയ്ക്കുക.

"അവൻ കൊടുങ്കാറ്റിനെ ശാന്തമാക്കി."

"അവൻ കൊടുങ്കാറ്റിനെ ശാന്തമാക്കി." സങ്കീർത്തനങ്ങൾ 107:29. പ്രിയ ദൈവപൈതലേ, നിന്റെ ജീവിതമാകുന്ന പടകിനു നേരെ ആഞ്ഞടിക്കുന്ന കൊടുങ്കാറ്റു പോലെയുള്ള വിഷയങ്ങൾ ദൈവത്തിനു ശാന്തമാക്കാൻ ദൈവത്തിനു നിമിഷങ്ങൾ മതി. അതിനു നാം ചെയ്യേണ്ടത് ദൈവത്തോട് നമ്മുടെ ജീവിതമാകുന്ന പടകിനു നേരെ അഞ്ഞടിക്കുന്ന വിഷയങ്ങളെ ദൈവസന്നിധിയിൽ പകർന്നാൽ ദൈവം അതിനെ ശാന്തമാക്കും. നീ വിചാരിക്കും ഈ കൊടുങ്കാറ്റിൽ ഞാൻ തകർന്നുപോകും.നീ ഭാരത്തോടെ നിന്റെ ജീവിതത്തിൽ നേരിടുന്ന കൊടുങ്കാറ്റുപോലെയുള്ള വിഷയങ്ങൾ ദൈവകരത്തിൽ സമർപ്പിച്ചാൽ ദൈവം അതിനെയെല്ലാം ശാന്തമാക്കും.

"പരിശോധനകളിൽ കൂടെയിരിക്കുന്ന ദൈവം."

"പരിശോധനകളിൽ കൂടെയിരിക്കുന്ന ദൈവം." പ്രിയ ദൈവ പൈതലേ നിന്റ ജീവിതത്തിൽ സകലതും നിനക്ക് പ്രതികൂലം ആയെന്നു വരാം. ആശ്വാസം പറവാൻ പോലും ആരും ഇല്ലാതെ വരാം. നീ പലപ്പോഴും ചിന്തിക്കും ദൈവം കൂടെ എന്നെ കൈവിട്ടോ?. ഇല്ല ദൈവം ഒരുനാളും കൈവിടില്ല. നിന്നെ ദൈവം പരിശീലിപ്പിക്കുവാണ്; ഉയിരങ്ങളിലേക്ക് പറന്നുയരുവാൻ. ഒരു കഴുകൻ തന്റെ കുഞ്ഞിനെ പറക്കാൻ പഠിപ്പിക്കുന്ന വിധം ദൈവം നിന്നെ പരിശീലിപ്പിക്കുവാണ്. ആകയാൽ ദൈവം എന്താ എന്റെ പ്രാർത്ഥന കേൾക്കുന്നില്ലേ എന്നു ചിന്തിക്കുമ്പോൾ ;ഒന്നു ഓർക്കുക ദൈവം നിന്നെ പരിശീലിപ്പിക്കുവാണ്. ആകയാൽ ധൈര്യപ്പെട്ടിരിക്കുക.

"പ്രതിക്കൂലങ്ങൾ ജീവിതമാം പടകിൽ അഞ്ഞടിക്കുമ്പോൾ."

പ്രതിക്കൂലങ്ങൾ ജീവിതമാം പടകിൽ അഞ്ഞടിക്കുമ്പോൾ. പ്രിയ ദൈവപൈതലേ, ജീവിതമാം പടകിൽ പ്രതിക്കൂലങ്ങൾ തിരമാല പോലെ ഒന്നിന് പിറകിലായി ഒന്നുപോലെ അഞ്ഞടിക്കുമ്പോൾ പ്രയാസപ്പെടേണ്ട, കാറ്റിനെയും കടലിനെയും ശാന്തമാക്കിയ ദൈവം നിന്റെ പടകിലേക്ക് വരും. നിന്റെ ജീവിതത്തിലെ പ്രതിക്കൂലങ്ങളെ യേശുനാഥൻ ശാന്തമാക്കും. നിന്റെ ഹൃദയം പരിപൂർണമായി നീ യേശുക്രിസ്തുവിനു വിട്ടു കൊടുത്താൽ ഏതു പ്രതിസന്ധിയിലും യേശുനാഥൻ നിന്നെ തേടി വന്നു നിന്റെ പ്രശ്നങ്ങളെ പരിഹരിക്കും.

"Daily Manna |Episode -16|Delson K Daniel |