"കഷ്ടതയും വേദനകളും വരുമ്പോൾ ക്രൂശിതനെ ധ്യാനിക്ക."

കഷ്ടതയും വേദനകളും വരുമ്പോൾ ക്രൂശിതനെ ധ്യാനിക്ക. നമ്മുടെ കഷ്ടങ്ങളും വേദനകളും യേശുനാഥൻ സഹിച്ച പങ്കപാടുകളുമായി ഓർക്കുമ്പോൾ ഒന്നുമില്ല എന്ന് തോന്നിപോകും. സ്വന്തം സമുദായം മുഴുവനും ഒരു തെറ്റും ചെയ്യാത്ത തന്നെ ക്രൂശിക്ക ക്രൂശിക്ക എന്ന് നിലവിളിക്കുമ്പോൾ യേശുനാഥൻ സഹിച്ച സങ്കടം ഓർക്കുമ്പോൾ നമ്മുടെ സങ്കടങ്ങൾ ഒന്നുമില്ല.റോമൻ സാമ്രാജ്യത്തിന്റെ പടയാളികളുടെ ചാട്ടവാറടിയും മരകുരിശും ചുമന്നും കൊണ്ടുള്ള യാത്രയിൽ വീണും എഴുന്നേറ്റും വീണും എഴുന്നേറ്റും ഗോൽഗാഥായിൽ എത്തിയപ്പോഴും, ഗോൽഗാഥായിൽ വച്ചു മരകുരിശിൽ ഇരു കൈകളിലും ആണികൾ തറയ്ക്കുമ്പോഴും കാലുകൾ രണ്ടിലും ആണികൾ തറച്ചപോഴും തലയിൽ മുൾകിരീടം ധരിപ്പിച്ചപ്പോഴും താൻ സഹിച്ച വേദനകൾ നാം അനുഭവിച്ചിട്ടില്ല. നമ്മുടെ കഷ്ടതകളും ദുഃഖങ്ങളും ഓർക്കുമ്പോൾ യേശുനാഥനെ ധ്യാനിക്കുമ്പോൾ സാരമില്ല എന്നു തോന്നും.