"ബലഹീനതകളിൽ സന്തോഷിക്കുന്ന പൗലോസ് അപ്പോസ്തലൻ"

ബലഹീനതകളിൽ സന്തോഷിക്കുന്ന പൗലോസ് അപ്പോസ്തലൻ 2 കൊരിന്ത്യർ 12:9. പൗലോസ് അപ്പോസ്തലൻ കടന്നു പോകുമ്പോൾ രോഗികൾ സൗഖ്യം ആകും. പൗലോസ് അപ്പോസ്തലന്റെ റൂമാൽ കൊണ്ടുവച്ചാൽ രോഗികൾക്ക് സൗഖ്യം പ്രാപിക്കുമായിരുന്നു. ഇപ്രകാരം അനേക രോഗികളെ സൗഖ്യം ആകുന്ന പൗലോസ് അപ്പോസ്ഥലന്റെ ജീവിതത്തിൽ വിട്ടുമാറാത്ത ഒരു രോഗം ഉണ്ടായിരുന്നു. ആ രോഗം സൗഖ്യം ആക്കുവാൻ പൗലോസ് അപ്പോസ്തലൻ മൂന്നു പ്രാവശ്യം ദൈവത്തോട് അപേക്ഷിച്ചു. ദൈവം പരിപൂർണമായി സൗഖ്യമാക്കാതെ ദൈവത്തിന്റെ കൃപയിൽ ആശ്രയിക്കുവാനും ദൈവത്തിന്റെ ശക്തി ബലഹീനതയിൽ തികഞ്ഞു വരുന്നു എന്നു പൗലോസിനോട് പറയുമ്പോൾ അപ്പോസ്തലൻ അതിസന്തോഷത്തോടെ ക്രിസ്തുവിന്റെ ശക്തി പൗലോസിന്റെമേൽ ആവസിക്കേണ്ടതിനു പൗലോസ് അതി സന്തോഷത്തോടെ തന്റെ ബലഹീനതകളിൽ പ്രശംസികുന്ന വാക്യം ആണ് കുറിവാക്യം. പ്രിയ ദൈവപൈതലേ, നീ വളരെ നാളുകൾ ആയി രോഗത്താൽ വലയുക ആണോ? രോഗം നിന്നെ വിട്ടുമാറുന്നില്ലേ? നീ സൗഖ്യത്തിനായി ദൈവസന്നിധിയിൽ പലപ്രാവശ്യം ദൈവത്തോട് അപേക്ഷിച്ചിട്ടും പരിപൂർണ സൗഖ്യം ലഭിക്കുന്നില്ലേ? ഭാരപ്പെടേണ്ട പൗലോസ് അപ്പോസ്തലന്റെ ബലഹീനതയിൽ കൂടെയിരുന്നു ദൈവകൃപ നിന്റെ മേൽ അവസിക്കും. പൗലോസ് അപ്പോസ്തലൻ ബലഹീനതകളിൽ സന്തോഷിക്കുന്നത് കൂട്ട് ദൈവപൈതലേ നീയും സന്തോഷിക്ക.