പ്രതീക്ഷകൾ അറ്റുപോകുമ്പോൾ തേടിയെത്തുന്ന ദൈവം

പ്രതീക്ഷകൾ അറ്റുപോകുമ്പോൾ തേടിയെത്തുന്ന ദൈവം പ്രിയ ദൈവപൈതലേ നിന്റെ സകല പ്രതീക്ഷകളും അറ്റുപോകുമ്പോൾ ആണ് യേശുനാഥൻ നിന്റെ അരികിൽ എത്തുന്നത്. പലപ്പോഴും നാം നമ്മുടെ കഴിവുകളും സ്വാധീനങ്ങളും എല്ലാം ഉപയോഗിച്ച് തീരുമ്പോൾ ആണ് ദൈവത്തിലേക്ക് ആശ്രയം വയ്ക്കുന്നത്. ഗന്നേസരേത്ത് തടാകത്തിൽ ശീമോൻ രാത്രി മുഴുവനും അധ്വാനിച്ചിട്ടും ഒന്നും കിട്ടിയില്ല. ശീമോൻ തന്റെ വർഷങ്ങൾ ആയിട്ടുള്ള കഴിവുകൾ മുഴുവനും ഉപയോഗിച്ചു വല വീശിയിട്ടു ഒന്നും കിട്ടിയില്ല. അപ്പോഴാണ് യേശു ശിമോന്റെ പടകിൽ കയറി പുരുഷരാത്തെ ഉപദേശിച്ചു തുടങ്ങിയത്. യേശുവിനു ഉപദേശിക്കാൻ തന്റെ പടക് ശീമോൻ വിട്ടുകൊടുത്തു. യേശു സംസാരിച്ചു തീർന്ന ശേഷം ശീമോനോട് പറഞ്ഞു ആഴത്തിലേക്കു നീക്കി വല ഇറക്കുവിൻ എന്നു പറഞ്ഞു. ശീമോൻ തന്റെ ഉള്ള അവസ്ഥ യേശുവിനോട് പറഞ്ഞു. എന്നിട്ട് യേശു പറഞ്ഞത് അനുസരിച്ചു വല ഇറക്കാം എന്നു പറഞ്ഞു. ശീമോൻ അങ്ങനെ യേശു പറഞ്ഞത് അനുസരിച്ചപ്പോൾ പെരുത്ത മീൻകൂട്ടം വലയിൽ അകപ്പെട്ടു. പ്രിയ ദൈവപൈതലേ എന്റെയും നിന്റെയും ജീവിതം ആകുന്ന പടക് യേശുവിനായി സമർപ്പിച്ചാൽ, നമ്മുടെ നഷ്ടങ്ങളെ യേശുക്രിസ്തു ലാഭം ആക്കി തീർക്കും. കഴിഞ്ഞ രാത്രി മുഴുവനും അധ്വാനിച്ചിട്ടും ഒന്നും ലഭിക്കാതിരുന്ന ശിമോന്റെ പടക് നിറച്ചത് കൂട്ട് ദൈവം നമ്മുടെ പടകും നിറയക്കും. നാം നിരാശരായി തളർന്നിരിക്കുമ്പോൾ ആണ് യേശുനാഥൻ നമ്മുടെ അരികിൽ എത്തുന്നത്. യേശുനാഥൻ പറയുന്നത് അനുസരിച്ചാൽ നിരാശകൾ പ്രത്യാശ ആയി തീരും.