ആരുമില്ലാത്തവന് താങ്ങായി ദൈവം ഉണ്ട്

 ആരുമില്ലാത്തവന് താങ്ങായി ദൈവം ഉണ്ട്

ആരും സഹായമില്ലാത്തവന് സഹായമായി ദൈവം ഉണ്ട്. ബൈബിളിൽ അനാഥനും വിധവക്കും പരദേശിക്കും അഗതിക്കും പ്രെത്യക സ്ഥാനം ഉണ്ട്.

ആരുടേയും സഹായം നിനക്ക് ലഭിക്കുന്നില്ലെങ്കിൽ ദൈവം നിനക്കായി വഴികളെ തുറക്കും.എന്റെ സഹായം എവിടെ നിന്ന് വരും? എന്റെ സഹായം ആകാശത്തെയും ഭൂമിയെയും ഉണ്ടാക്കിയ യഹോവയിങ്കൽ നിന്ന് വരുന്നു. നിന്നെ സഹായിപ്പാൻ ആരുമില്ലെങ്കിൽ ഏലിയാവിന് അപ്പവും ഇറച്ചിയും കാക്ക കൊണ്ടു കൊടുത്തപ്പോലെ നിന്നെ സഹായിപ്പൻ മനുഷ്യരെ കിട്ടിയില്ലെങ്കിൽ ദൈവം കാക്കയെ അയക്കും. നിനക്കു പ്രവർത്തിക്കാൻ കഴിയാത്ത മണ്ഡലത്തിൽ ദൈവം നിനക്ക് വേണ്ടി ദൂതനെ ഇറക്കും. നിന്റെ ആശ്രയം ദൈവത്തിൽ ആണെങ്കിൽ നീ ഒരു നാളും കുലുങ്ങിപോകയില്ല. യഹോവയിൽ ആശ്രയിക്കുന്നവർ കുലുങ്ങാതെ എന്നേക്കും നിൽകുന്ന സീയോൻ പർവതം പോലെ ആകുന്നു. നിന്റെ അടിസ്ഥാനം ക്രിസ്തുവാണെങ്കിൽ നീ ഒരുനാളും തകർന്നു പോകയില്ല. നിന്റെ ആശ്രയം ക്രിസ്തുവാണെങ്കിൽ നിനക്കു വേണ്ടുന്നതെല്ലാം അവൻ തരും. ആരെല്ലാം നിന്നെ കൈവിട്ടാലും യേശു നിന്നെ ഒരു നാളും കൈവിടുകയില്ല. നിനക്ക് താങ്ങായി തണലായി ആരുമില്ലായിരിക്കാം പക്ഷെ നീ ഒന്നോർക്കണം പ്രപഞ്ചം സൃഷ്‌ടിച്ച ദൈവം നിന്റെ കൂടെ ഉണ്ട്. ഞാൻ നിന്നെ ഒരുനാളും കൈവിടുകയില്ല ഉപേക്ഷിക്കുകയില്ല. ദൈവം പറഞ്ഞ വാക്കാണിത്. നിനക്ക് ചുറ്റും ദൈവദൂത സംരക്ഷണം ഉണ്ട്. യഹോവയുടെ ദൂതൻ തന്റെ ഭക്തന്മാരുടെ ചുറ്റും പാളയമിറങ്ങി വിടുവിക്കുന്നു. ദൈവം നിനക്ക് വേണ്ടി പ്രവർത്തിച്ചാൽ ആർ നിനക്കെതിരായിടും. ദൈവം നിന്റെ പക്ഷത്തുണ്ട്. തളർന്നിരിരിക്കേണ്ട എഴുന്നേറ്റു ബലം ധരിച്ചുകൊൾക.