നന്മയും കരുണയും എന്റെ ആയുഷ്കാലമൊക്കെയും എന്നെ പിന്തുടരും

നന്മയും കരുണയും എന്റെ ആയുഷ്കാലമൊക്കെയും എന്നെ പിന്തുടരും

പ്രിയ ദൈവപൈതലേ ദൈവം നിന്റെ ഇടയനാണെങ്കിൽ. ഇടയന് അറിയാം നിന്റെ ഓരോ ആവശ്യങ്ങളും.നിന്റെ ഓരോ ആവശ്യങ്ങളും മനസിലാക്കി നിന്റെ ആയുഷ്കാലമൊക്കെയും നല്ല ഇടയനായ യേശുക്രിസ്തു നിനക്ക് തരും. പക്ഷെ അതിനു ചില നിബന്ധനകൾ ഉണ്ട്. നീ ഇടയന്റെ ശബ്ദം കേൾക്കുകയും ഇടയൻ പറയുന്നത് അനുസരിച്ചാൽ ഇടയന്റെ കരുണ നിന്നോട് കൂടെ നിന്റെ ആയുഷ്കാലമൊക്കെയും പിന്തുടരും.

പ്രിയ ദൈവപൈതലേ നീ യേശുക്രിസ്തു എന്ന ഇടയന്റെ ശബ്ദം ദൈവീക വചനങ്ങളിൽ കൂടി കേൾക്കുന്നുണ്ടോ അനുസരിക്കുന്നുണ്ടോ എങ്കിൽ നിനക്കുള്ളത് ദൈവം നിന്റെ ആയുഷ്കാലമൊക്കെയും നിനക്ക് തരും. നീ ചെയ്ത പാപങ്ങൾ മറന്നു നിന്നോട് ആയുഷ്കാലമൊക്കെയും കരുണ കാണിക്കും. നിനക്ക് വേണ്ടുന്ന നന്മ ദൈവം നിനക്ക് ആയുഷ്കാലമൊക്കെയും തരും. ഓരോരുത്തർക്കും ദൈവം കൊടുക്കുന്ന നന്മ വ്യത്യാസപ്പെട്ടിരിക്കും. ലോഭമായി കൊടുത്താൽ ലോഭമായി ലഭിക്കും. ധാരാളമായി കൊടുത്താൽ ധാരാളമായി ലഭിക്കും. അത് നിന്റെ മനോഭാവം പോലിരിക്കും. ആകയാൽ ഭയപ്പെടേണ്ട ദൈവം നിന്റെ ഇടയൻ ആയിരിക്കിട്ടെ. എങ്കിൽ നിന്റെ ആയുഷ്കാലമൊക്കെയും ദൈവത്തിന്റെ നന്മയും കരുണയും നിന്നെ പിന്തുടരും.