"ദൈവ ശബ്ദം കേട്ട് അനുസരിക്കുക."

ദൈവ ശബ്ദം കേട്ട് അനുസരിക്കുക. "അതിന്നു ശിമോൻ: നാഥാ, ഞങ്ങൾ രാത്രി മുഴുവനും അദ്ധ്വാനിച്ചിട്ടും ഒന്നും കിട്ടിയില്ല; എങ്കിലും നിന്റെ വാക്കിന്നു ഞാൻ വല ഇറക്കാം എന്നു ഉത്തരം പറഞ്ഞു. (ലൂക്കൊസ് 5:5). ഗന്നേസരെത്ത് തടാകത്തിൽ രാത്രി മുഴുവൻ വലവീശിയ പത്രോസിന്  മീൻ ഒന്നും ലഭിക്കാതെ ഭാരപ്പെട്ടിരിക്കുമ്പോൾ ആണ് യേശുക്രിസ്തു  പത്രോസിനോട് പടകിന്റെ വലതു ഭാഗത്തു വല വീശുവാൻ  പറഞ്ഞത്. പത്രോസിനു പരിചയം ഉള്ള ഗന്നേസരെത്ത് തടാകത്തിൽ പത്രോസിന്റെ പ്രവർത്തന പരിചയം ഒന്നും പത്രോസിന് സഹായകമായില്ല. പലപ്പോഴും ദൈവത്തെ കൂടാതെ സ്വന്ത കഴിവിൽ ആശ്രയിക്കുമ്പോൾ പത്രോസിനെ പോലെ പരാജയപെടുവാൻ ഉള്ള സാധ്യത ഉണ്ട്. പത്രോസ് യേശുക്രിസ്തുവിന്റെ വാക്ക് അനുസരിച്ചപ്പോൾ പത്രോസിന്റെ പ്രതീക്ഷകൾക്ക് വിപരീതമായി പെരുത്ത മീൻകൂട്ടം പത്രോസിന് ലഭിച്ചു. പ്രിയരേ, സ്വന്ത കഴിവിലും അനുഭവ സമ്പത്തിലും ആശ്രയിക്കാതെ ദൈവത്തിന്റെ ശബ്ദം കേട്ട് അനുസരിക്കുവാണെങ്കിൽ അസാധ്യം എന്നു ചിന്തിക്കുന്ന മേഖലകളിൽ ദൈവം നിങ്ങൾക്ക് വേണ്ടി അത്ഭുതം പ്രവർത്തിക്കും.