"പുതുവർഷം"

പുതുവർഷം. കഴിഞ്ഞ ആണ്ടുകൾ ദൈവം നമ്മെ ക്ഷേമത്തോടെ പരിപാലിച്ചു. ഈ പുതുവർഷം നമ്മുടെ ജീവിതത്തിൽ സന്തോഷവും സമാധാനവും പകരുവാൻ ദൈവത്തോട് നമുക്ക് പ്രാർത്ഥിക്കാം. ദൈവത്തിന്റെ സാന്നിധ്യം ഈ പുതുവർഷത്തിൽ നമ്മോടു കൂടെ ഇരുന്നാൽ നാം കൃതാർത്ഥരായി തീരും. കഴിഞ്ഞ ആണ്ടിലെ നമ്മുടെ ജീവിതത്തിൽ വന്നുപോയ കുറവുകൾ നാം തിരുത്തി ദൈവത്തിനു ഹിതമാം വണ്ണം ജീവിക്കാൻ നാം ശ്രമിച്ചാൽ ദൈവത്തിന്റെ സാന്നിധ്യം നമ്മോടു കൂടെ പോരും. ഈ പുതുവർഷം ദൈവം ജീവിതത്തിൽ അനുഗ്രഹങ്ങളും നന്മകളും ചൊരിയുന്ന ഒരു വർഷമായി തീരാൻ സർവ്വശക്തനോട് നമുക്ക് പ്രാർത്ഥിക്കാം.