"ദൈവത്താൽ കഴിയാത്തതായി ഒരു കാര്യവുമില്ല."

ദൈവത്താൽ കഴിയാത്തതായി ഒരു കാര്യവുമില്ല. യേശു കർത്താവ് ഭൂമിയിൽ ആയിരുന്നപ്പോൾ രോഗികളെ സൗഖ്യമാക്കി, ഭൂതങ്ങളെ പുറത്താക്കി, മനം തകർന്നവരെ ആശ്വസിപ്പിച്ചു . യേശുക്രിസ്തു ഇന്നും നമ്മുടെ രോഗങ്ങളെ സൗഖ്യമാക്കും. നമ്മുക്ക് സാധിക്കാത്ത വിഷയങ്ങൾ ദൈവം സാധ്യമാക്കി തരും. ദൈവം നമ്മുടെ ജീവിതത്തിൽ ഇടപെടണമെങ്കിൽ നാമും ദൈവവുമായി വ്യക്തിപരമായി ബന്ധം ഉണ്ടായിരിക്കണം. ദൈവത്തിൽ ആശ്രയിക്കുന്ന തന്റെ മക്കൾക്ക് വേണ്ടി ദൈവം ഇറങ്ങി വരും.തന്റെ മക്കൾക്ക് വേണ്ടി ചെങ്കടലിൽ ഇറങ്ങി വന്ന ദൈവത്തിന്റെ മുമ്പിൽ നമ്മുടെ പ്രശ്ന സങ്കീർണമായ വിഷയങ്ങൾ പരിഹരിക്കുക ഒരു വിഷയമേ അല്ല .ബൈബിൾ ആകമാനം പരിശോധിക്കുമ്പോൾ ദൈവം തന്റെ മക്കൾക്ക് വേണ്ടി ചെയ്ത അത്ഭുതങ്ങൾ വർണ്ണിപ്പാൻ സാധ്യമല്ല. ആ ദൈവത്തിന് ഇന്നും നമ്മുടെ വിഷയങ്ങൾ പരിഹരിക്കുക നിസ്സാരമാണ്. ദൈവത്തിൽ അടിയുറച്ചു വിശ്വസിച്ചാൽ പർവത സമാനമായ നമ്മുടെ വിഷയങ്ങൾ ദൈവം പരിഹരിക്കും.