"അവങ്കലേക്കു നോക്കിയവർ പ്രകാശിതരായി"

അവങ്കലേക്കു നോക്കിയവർ പ്രകാശിതരായി സങ്കീർത്തനങ്ങൾ 34:5. പ്രിയ ദൈവപൈതലേ നിന്റെ നോട്ടം ദൈവത്തിങ്കലേക്കു ആണെങ്കിൽ നീ പ്രകാശിതൻ ആയിതീരും. നീ മറ്റുള്ളവർക്ക് ഒരു വെളിച്ചം ആയിരിക്കും. യേശുക്രിസ്തു പറഞ്ഞു നിങ്ങൾ ലോകത്തിന്റെ വെളിച്ചം ആകുന്നു. നിങ്ങളുടെ നോട്ടം ദൈവത്തിങ്കലേക്കു ആണെങ്കിൽ നിങ്ങൾ പ്രകാശിതരായിതീരും.നിങ്ങളിൽ ഉള്ള വെളിച്ചം കണ്ടു അനേകർ സത്യവെളിച്ചം ആകുന്ന യേശുക്രിസ്തുവിനെ കണ്ടുമുട്ടും. നിങ്ങൾ പ്രകാശിതരായിത്തീരുമ്പോൾ നിങ്ങളിൽ ഇരുളിന്റെ ഒരറ്റ അംശം പോലും നിലനിൽക്കില്ല. നിങ്ങൾ ദൈവത്തിങ്കലേക്കു മാത്രം നോക്കുക. ചിലപ്പോൾ നിങ്ങൾ പലവിധ ആവശ്യങ്ങളാൽ ഭാരപ്പെടുന്നവർ ആയിരിക്കും.നിങ്ങളുടെ ആവശ്യങ്ങളെ ദൈവം നടത്തിതരും.നിങ്ങളുടെ നോട്ടം ദൈവത്തിങ്കലേക്കു ആണെങ്കിൽ നിങ്ങൾ പ്രകാശിതരായിതീരും. പ്രിയ ദൈവപൈതലേ നീ ദൈവത്തെ നോക്കി യാത്ര തിരിക്കുക നീ പ്രകാശിതൻ ആയി തീരും. മനുഷ്യരെ നോക്കി യാത്ര തിരിച്ചാൽ ലജ്ജിതൻ ആയി തീരും.