"അവൻ നിങ്ങൾക്കായി കരുതുന്നതാകയാൽ നിങ്ങളുടെ സകല ചിന്തകുലവും അവന്റെമേൽ ഇട്ടുകൊൾവിൻ "

"അവൻ നിങ്ങൾക്കായി കരുതുന്നതാകയാൽ നിങ്ങളുടെ സകല ചിന്തകുലവും അവന്റെമേൽ ഇട്ടുകൊൾവിൻ " 1പത്രോസ് 5:7. ദൈവം നമുക്ക് വേണ്ടുന്നതെല്ലാം കരുതുന്നതാകയാൽ നമ്മുടെ സകല വിഷമങ്ങളും പ്രയാസങ്ങളും ദുഃഖങ്ങളും ദൈവസന്നിധിയിൽ സമർപ്പിക്കുക. ദൈവം ഇന്നുവരെ ഭൂമിയിൽ നമുക്ക് വേണ്ടുന്നതെല്ലാം കരുതിയില്ലേ.നമ്മളെ ഇതുവരെ നടത്തിയ ദൈവത്തിൽ ആശ്രയിക്കുക. നാം ഏതൊക്കെ വിഷയങ്ങളിൽ ഭാരപ്പെടുന്നുവോ ആ വിഷയങ്ങൾ എല്ലാം ദൈവത്തിൽ സമർപ്പിച്ചാൽ നാം വ്യാകുലപെടുകയില്ല. നമ്മുടെ സകല വിഷയങ്ങളും പരിഹരിക്കുന്ന ഒരു ദൈവത്തെ ആണ് നാം സേവിക്കുന്നത്. നാം പലവിഷയങ്ങളാൽ ഭാരപ്പെട്ടിരിക്കുക ആയിരിക്കും. ആ ഭാരപ്പെട്ട വിഷയങ്ങൾ എല്ലാം പ്രാർത്ഥനയിൽ കൂടി ദൈവകരത്തിൽ സമർപ്പിക്കുക. നാം ഭാരപെട്ട വിഷയങ്ങൾക്ക്‌ ഉള്ള മറുപടി തക്കസമയത്ത് ദൈവം അയക്കും. നാം വെറുതെ ആകുലപെടാതെ ദൈവകരങ്ങളിൽ വിഷയങ്ങൾ സമർപ്പിച്ചു പ്രാർത്ഥിച്ചു കഴിയുമ്പോൾ ആ വിഷയം ദൈവം ഏറ്റെടുക്കും. ആകയാൽ ആകുലപെടാതെ ഇതുവരെ ജയത്തോടെ നടത്തിയ ദൈവത്തിനു നന്ദി അർപ്പിച്ചു സന്തോഷത്തോടെ ജീവിക്കാം.