സ്നേഹം ആചരിക്കുവാൻ ഉത്സാഹിക്ക
പ്രിയ ദൈവപൈതലേ, സ്നേഹം ആചരിക്കുവാൻ ഉത്സാഹിക്ക. ദൈവം സ്നേഹം ആകുന്നു. ദൈവം നമ്മോടു കാണിച്ച സ്നേഹം നാം ഓർക്കാറുണ്ടോ?
കാൽവരിക്രൂശിൽ പരമയാഗം ആയി തീർന്ന ദൈവം നമ്മോട് കാണിച്ച സ്നേഹം നാം മറ്റുള്ളവരോട് പ്രദർശിപ്പിക്കാറുണ്ടോ.
നിന്റെ ശത്രുവിനെ സ്നേഹിക്ക എന്നുപറഞ്ഞ കർത്താവിന്റെ കല്പന നീ അനുസരിക്കാറുണ്ടോ.
നിന്റെ അയൽക്കാരനെ നിന്നെ പോലെ സ്നേഹിക്കാൻ പറഞ്ഞ കല്പന നീ അനുസരിക്കാറുണ്ടോ.
നിങ്ങൾ ദൈവത്തിൽ നിന്ന് ജനിച്ചിരിക്കുകയാൽ അന്യോന്യം സ്നേഹിക്കുവിൻ എന്നാണ് ദൈവം കല്പിച്ചിരിക്കുന്നത്. നിങ്ങൾ അന്യോന്യം സ്നേഹിക്കുമ്പോൾ ദൈവത്തിൽ നിന്ന് ജനിച്ചിരിക്കുന്നു എന്നു മനസിലാക്കുവിൻ. ദൈവത്തിൽ നിന്ന് ജനിച്ചിരിക്കുന്നവൻ ലോകത്തെ ജയിച്ചിരിക്കുന്നു. ആകയാൽ വിശ്വാസം, പ്രത്യാശ, സ്നേഹം ഇവ മൂന്നും നിലനിൽക്കുന്നു ഇവയിൽ വലിയതോ സ്നേഹം തന്നെ. ആകയാൽ സ്നേഹം ആചരിക്കുവാൻ ഉത്സാഹിക്കുക.
No comments:
Post a Comment