ശാന്തതുറമുഖം

 

ശാന്തതുറമുഖം

പ്രിയ ദൈവ പൈതലേ നാം ഓരോരുത്തരും ലോകമാകുന്ന കടലിൽ ദൈവ സഭ ആകുന്ന കപ്പലിലെ യാത്രക്കാർ ആണ്. കപ്പലിൽ സഞ്ചരിക്കണമെങ്കിൽ മതിയായ രേഖകൾ വേണം.രക്ഷിക്കപ്പെട്ടു സ്നാനം ഏറ്റാൽ മാത്രമേ യാത്ര ചെയ്യുവാൻ സാധിക്കുകയുള്ളൂ. യാത്രമധ്യേ കൊടുംകാറ്റുകൾ ആഞ്ഞടിക്കാം. പ്രതികൂല സാഹചര്യങ്ങൾ കടന്നു വന്നേക്കാം. കപ്പൽ നിയന്ത്രിക്കുന്ന ഒരു കപ്പിത്താൻ ഉണ്ട്. കപ്പിത്താനായ യേശുക്രിസ്തു കാറ്റിനെയും കടലിനെയും ശാന്തമാക്കും.അങ്ങ് സ്വർഗീയ തീരത്ത് ഒരു ദിവസം കപ്പൽ അടുക്കും. കാറ്റും കോളും ഒന്നുമില്ലാത്ത ശാന്തതുറമുഖം ആണ് നമ്മുടെ ലക്ഷ്യം.ഒടുവിൽ നാം കാറ്റും കോളും ഒന്നും ഇല്ലാത്ത ശാന്തതുറമുഖത്ത് എത്തി ചേരും.ശാന്തതുറമുഖത്തു നമ്മെളെ കാത്തു ദൈവവും ദൈവദൂതന്മാരും ഉണ്ട്. അനന്തയുഗങ്ങൾ നാം അവിടെ ദൈവത്തോടൊത്തു വാഴും. മരണം അവിടെ ഇല്ല. ദുഃഖം അവിടെ ഇല്ല. നിത്യ സന്തോഷം അവിടെ ഉണ്ട്, നിത്യ സമാധാനം അവിടെ ഉണ്ട്. ദൈവത്തോടൊത്തു മനുഷ്യരുടെ കൂടാരം.