എനിക്കു സഹായം എവിടെ നിന്നു വരും

 എനിക്കു സഹായം എവിടെ നിന്നു വരും

പ്രിയ ദൈവപൈതലേ നിന്റെ സഹായം എവിടെ നിന്നു വരും,ബന്ധുക്കളിൽ നിന്നാണോ, അതോ സുഹൃത്തുകളിൽ നിന്നാണോ, അതോ ദൈവത്തിങ്കൽ നിന്നോ. ഒന്ന് സ്വയം ശോധന ചെയ്തേ? നിനക്ക് ഒരു ആവശ്യം വരുമ്പോൾ ആദ്യം നീ ആരെയാണ് സമീപിക്കുന്നത്. എന്നും സുഹൃത്തുക്കൾ കാണില്ല, എന്നും ബന്ധുക്കൾ കാണില്ല. എന്നും നിന്റെ സഹായത്തിനായി സ്വർഗത്തിൽ നിനക്കു ഒരു അപ്പൻ ഉള്ള കാര്യം മറന്നുപോകരുത്. സ്വർഗ്ഗത്തിലെ അപ്പൻ തന്റെ മക്കളുടെ ശബ്ദം കേൾക്കാൻ കാത്തിരിക്കുവാണ്. നിനക്ക് വേണ്ടി പ്രവർത്തിപ്പാൻ ഏതു സമയവും നിന്റെ സ്വർഗീയ അപ്പൻ ഉണ്ട്. ഈ ഭൂമിയിലെ അപ്പനും അമ്മയ്ക്കും ഒരു പരിമിതി ഉണ്ട്. പക്ഷെ പരിമിതിയില്ലാതെ നിന്നെ സഹായിക്കാൻ കഴിവുള്ള ദൈവം നിനക്ക് ഉണ്ട്. പ്രാർത്ഥിപ്പാൻ മറന്നു പോകരുത്. ദാനിയേൽ മൂന്നു നേരം യെരുശലെമിന് നേരെ ഉള്ള കിളിവാതിൽ തുറന്നു പ്രാർത്ഥിച്ചു പോന്നു. പ്രിയ ദൈവപൈതലേ നിന്റെ യെരുശലേം ആകുന്ന സ്വർഗത്തിലേക്ക് നോക്കി പ്രാർത്ഥിച്ചാൽ ദൈവം നിന്നെ വിടുവിക്കും. നിനക്കു താങ്ങായി തണലായി ദൈവം ഉണ്ട്. നിന്റെ സഹായം സ്വർഗീയ യെരുശലേമിൽ നിന്നു വരും.