'പ്രാർത്ഥനയിൽ തളരരുത് "

പ്രാർത്ഥനയിൽ തളരരുത് പ്രിയ ദൈവപൈതലേ പ്രാർത്ഥനയിൽ തളരരുത്. നിന്നെ മുമ്പോട്ട് നയിക്കുന്നത് പ്രാർത്ഥന ആണ്. യേശുക്രിസ്തു തന്റെ പരസ്യ ശിശ്രുഷ തുടങ്ങിയപ്പോൾ പതിവായി മലമേൽ പ്രാർതിക്കാൻ പോകുമായിരുന്നു. പിതാവുമായുള്ള യേശുക്രിസ്തുവിന്റെ ബന്ധം പുതുക്കി തനിക്ക് നേരിടുവാനുള്ള പരീക്ഷകളെ ജയിപ്പാൻ ആണ് അനുദിനം യേശുക്രിസ്തു പ്രാർത്ഥിപ്പാൻ മലമേൽ പോയത്. നാം പതിവായി പ്രാർത്ഥിക്കുവാണെങ്കിൽ നമ്മുക്ക് നേരെ വരുന്ന പരീക്ഷകളെ ജയിക്കുവാൻ സാധിക്കും. അനുഗ്രഹത്തിനും, നന്മയ്ക്കും വേണ്ടി മാത്രം പ്രാർത്ഥിക്കുമ്പോൾ ആണ് അതു ലഭിക്കാതെ തളരുന്നത്. പ്രാർത്ഥനയിൽ ദൈവീക കാര്യങ്ങൾക്ക് മുൻ‌തൂക്കം നൽകുക. മുമ്പേ അവന്റെ രാജ്യവും നീതിയും അന്വേഷിക്കുക അതോടു കൂടെ ഇതൊക്കെയും ലഭിക്കും. ദൈവത്തിന്റെ രാജ്യം നീതി ഇവ അന്വേഷിക്കുന്ന വ്യക്തി ആണെങ്കിൽ നന്മയും കരുണയും നിന്റെ ആയുഷ്കാലമൊക്കെയും നിന്നെ പിൻതുടരും.മടുത്തുപോകാതെ പ്രാർത്ഥിക്കാൻ ആണ് കർത്താവ് പഠിപ്പിച്ചത്. ദൈവത്തിന്റെ സമയത്തു നിന്റെ പ്രാർത്ഥനയുടെ മറുപടി ലഭിക്കും അതു നമ്മൾ തീരുമാനിക്കുന്ന സമയത്തല്ല ദൈവത്തിന്റെ സമയത്താണ്.