ലേയ അനിഷ്ട എന്ന് ദൈവം കണ്ടു അവളുടെ ഗർഭത്തെ തുറന്നു

ലേയ അനിഷ്ട എന്ന് ദൈവം കണ്ടു അവളുടെ ഗർഭത്തെ തുറന്നു

പ്രിയ ദൈവ പൈതലേ ഇവിടെ ലേയ മനുഷ്യരുടെ മുമ്പിൽ അനിഷ്ട ആണ്, മനുഷരുടെ മുമ്പിൽ നിന്ദിത ആണ്. തന്റെ ഭർത്താവിന്റെ മുമ്പിൽ വേണ്ടത്ര പ്രാധാന്യം ലഭിച്ചില്ല. ദൈവം അവളുടെ വിഷമം കണ്ടു. ദൈവം അവളെ ഓർത്തു അവളുടെ ഗർഭത്തെ തുറന്നു.രൂബേൻ, ശിമയോൻ, ലേവി, യഹൂദ,യിസ്സഖാർ,, സെബുലൂൻ, ദീന. ലേയ്ക്കു 6 പുത്രന്മാരെയും ഒരു മകളെയും ദൈവം നൽകി അനുഗ്രഹിച്ചു. അനിഷ്ട എന്ന് കണ്ട ലെയയെ ദൈവം അനുഗ്രഹിച്ചു. ഗോത്രപിതാക്കന്മാർ ലേയായുടെ സന്തതികളായി ജനിച്ചു. പ്രിയ ദൈവ പൈതലേ മറ്റുള്ളവരുടെ മുമ്പിൽ നീ നിന്ദിത ആയേക്കാം മറ്റുള്ളവരുടെ മുമ്പിൽ പരിഹാസം ആയേക്കാം. നിന്നെ അനുഗ്രഹിക്കുന്ന ദൈവം ഉണ്ട്. നിന്റെ വിലാപത്തെ അവൻ നൃത്തം ആക്കും.യേശുക്രിസ്തുവിന്റെ വംശപാരമ്പര്യം പറയുമ്പോൾ യാക്കോബിന് ലേയയിൽ ജനിച്ച യഹൂദയുടെ വംശ പാരമ്പര്യത്തിൽ ആണ് യേശുക്രിസ്തു ഭൂമിയിൽ അവതരിച്ചത്. യഹൂദ ഗോത്രത്തിന്റെ സിംഹം എന്നാണ് യേശുക്രിസ്തുവിനെ അഭിസംബോധന ചെയ്യുന്നത്. മറ്റുള്ളവരാൽ നിന്ദിക്കപ്പെട്ട ലേയ്ക്കു പുത്രസമ്പത്തും ദൈവീക അനുഗ്രഹങ്ങളും ദൈവം നൽകി അനുഗ്രഹിച്ചെങ്കിൽ നിന്റെ പ്രയാസം ദൈവം കാണുന്നുണ്ട്. അവൻ നിന്നെ നിശ്ചയമായി അനുഗ്രഹിക്കും. നിന്റെ പേർ അവൻ വലുതാക്കും. ആരും അറിയാതെ കിടന്ന ലേയയെ ദൈവം ഗോത്ര പിതാക്കന്മാർക്ക് മാതാവാക്കി. അനിഷ്ട്ട എന്ന് കണ്ട ലേയയുടെ തലമുറയിൽ കൂടി യേശു ക്രിസ്തു ഭൂജതനായി.